GENERAL SANTOS CITY – Mibuhos ang pagtimbaya alang kay Sen. Manny Pacquiao luyo nga pildi sa iyang engkwentro kagahapon.
Matud ni Acting Mayor Shirlyn Bañas Nograles nga nasubo siya sa resulta sa Pacquiao-Horn fight kon asa pabor sa australian boxer. Giangkon nga naguol sa kondisyon sa senador nga na-head butt ni Horn.
Sumala pa sa bise mayor nga nasorpresa siya nga unanimous ang desisyon sa tulo ka mga hurado pabor kay Horn.
Hinuon, aminado nga nasorpresa siya sa performance sa Australian boxer nga nakigsumbaganay gayud kay Pacman nga nagresulta sa usa ka maayong engkwentro.
Gibutyag ni Vice Mayor Nograles nga alas dos sa hapon sunduon ang senador alang sa hero’s welcome.
Kahibaluan nga sa matag away ni Senator Pacquiao, gahatag ug hero’s welcome ang LGU-GenSan ug Sarangani .
