GENERAL SANTOS CITY – Mukapin duha ka libu ka residente sa Barangay Paraiso sa Alabel ang apektado sa pagdahili sa yuta gumikan sa walay hunong nga pag-ulan.
Nahitabo ang landslide kagahapon human sa lima ka oras kapin nga pag-ulan hinungdan nga nahugno ang bakilid nga bahin sa lugar hinungdan nga dili makalusot ang unsa mang matang sa transportasyon.
Kini gumikan natabunan ang semento nga dalan luyo nga nasinati-an kagabii ang brown out sa lugar human matumba ug matabunan ang linya sa kuryente.
Nawad-an usab ug tubig mainum ang mga residente tungod natabunan ang tinubdan sa tubig sa lugar.
Gibana-banaang singkwenta ektarya nga pananum ang nadanyos.
Gitun-an pa kung magdeklara ug state of calamity ang barangay luyo sa kahadlok nga madugangan ang pagkahugno sa yuta gumikan sa epekto sa localized thunderstorm nga inubanan sa Intetropical Coverging Zone.
