GENERAL SANTOS CITY – Gibutyag ni P/SR/ Supt Maximo Layugan, labaw sa GSCPO nga may kalabutan sa sugal ang pagpusil sa duha ka biktima sa J Catholico Avenue ning dakbayan.
Kahibaluan nga patay ang nagpangalang Rodel Nain 30 og angol ang kauban niini nga si Joey Abraham 28 nga taga Poblacion, Malungon Sarangani Province.
Matud ni Layugan, basi sa imbestigasyon, mahiligon sa sugal ang mga biktima.
Gitutukan usab ang anggulong may kalabutan sa pagkalambigit sa duha sa gidiling droga.
Sa pahayag sa nasampit nga opisyal nga nagpadayon ang pagpangalap sa kapulisan og mga impormasyon aron mahatagan og hustisya ang mga biktima.
Gibutyag ni Layugan nga hangtud karon wala pay matumbok nga sresponsable sa krimen.
Kahibaluan nga gipusil silang Nain og Abraham sa motor riding criminals samtang gabaktas.
