GENERAL SANTOS CITY – Nagpadayon sa pagtigum ug mga ebedinsya ang kapulisan sa mga ilhanan sa suspek sa pagpusil patay sa usa ka Kristo sa sabungan nga nahitabo niadtong Sabado sa gabii.
Gani adunay pakiglambigit nga gihimo ang mga sakop ni Police Chief Insp.Cristiu Lagyop sa Tambler Police Station sa Polomolok Municipal Police Station aron makuha ang ubang background sa biktima nga giila nga si Walter Abing nga taga Octavio Village, Cannery Polomolok, South Cotabato.
Kahinumduman nga pasado alas 11:00 sa gabii samtang naa sa usa ka pwesto sa 3rd road Calumpang ang biktima dihang gihunungan sa usa ka sakyanan ug dayon kining gipusil.
Nakaangkon ug samad sa kilid sa lawas sa biktima nga hinungdan sa pagkutlo sa kinabuhi niini.
Basi sa pahayag sa mga silingan nga ilang nadunggan ang buto sa pusil apan wala dayon muduol sa kabalaka nga naa pa sa lugar ang mihimo sa pagpamusil.
