GENERAL SANTOS CITY – Napatay atul sa pagsaulog sa iyang adlaw nga natawhan ang ulahing biktima sa pagpamusil sa dakbayan.
Kini ang gibutyag ni Rudy Nain nga taga Malungon Sarangani Province.
Nananghid matud pa ang iyang anak nga si Rodel, 30 anyos nga magrenew sa iyang drivers license dinhi sa GenSan kuyog sa nagpangalan ug Joey Abraham, 29 anyos, silingan nila sa lugar.
Pag-ila niini sa iyang anak nga walay bisyo luyo nga trabahao lamang ang giatiman.
Kasamtangan nagtrabaho matud pa kining driver sa Vice Mayor sa Malungon apan wala kini mahatag nga rason nganong nabiktima kini sa pagpamusil.
Gikumpirma niini nga nadala na balik sa ilang panimalay ang patay nga lawas sa iyang anak.
Kahinumduman nga sa miaging gabii gipusil patay sa duha ka nakamotorsiklo nga lalaki ang biktima samtang samaron si Joy Abraham nga naa karon sa usa ka tambalanan ning syudad.
