T’boli, South Cotabato, gitay-og sa 4.2 magnitude nga linog;intensity 4 nasinatian sa Gensan

GENERAL SANTOS CITY – Gitay-og sa magnitude 4.2 nga linog ang T’Boli, South Cotabato.

Base sa report gikan sa Philippine Institute of Volcanology and Seismology kon Phivolcs, natigayon ang linog alas-2:07 sa kaadlawon.

Natala ang sentro sa pagtay-og sa 19 kilometros sa habagatang sidlakan sa nasampit nga lugar.

May gilawmon kini nga 23 kilometros ug tectonic in origin.

Dungan niini, nasinatian usab ang intensity IV nga pagtay-og dinhi sa dakbayan.

Walay natala nga nasamdan o kaha nadaot nga kabtangan tungod sa naasoy’ng linog.

Wala usay gipagawas nga tsunami alert ug wala usay gilauman nga aftershocks.