GENERAL SANTOS CITY – Ganado sa training ug sparring sessions si Pambansang Kamao Manny Pacquiao, kagahapong adlawa.
Kini human magkampeon ang paborito niining team nga Golden State Warriors human gipildi ang Cleveland Cavaliers, sa Game 5 sa NBA Finals.
Kahibaluan nga wala usab nahinayon ang gisaad ni Manny nga baktason ang Gensan paingon sa Tinoto, Maasim, Sarangani, gumikan sa kadaugan sa Warriors.
Una nang gibutyag ni Coach Buboy Fernandez nga kon ugaling midaog ang Cavs kagahapon, dili lang ang fighting senator, inay lakip sila nga mga miyembro sa Team Pacquiao ang mubaktas sa 30 kilometros nga dalan.
Kahinumduman nga dakong fans sa Warriors silang Manny ug misis nga si Jinkee.
Ug gani, kaniadtong Sabado, managsamang nagsul-ob ug Golden State Warriors nga kalo ang magtiayon samtang nag-jogging sila sa Acharon Sports Complex isip pagpakita ug suporta sa Warriors, luyo nga napildi ang naasoy’ng team kaniadtong adlawa, atul sa Game 4.
