GENERAL SANTOS CITY – Miabot na sa 2,274 nga pamilya sa Lambayong sa Sultan Kudarat ang naapektuhan sa baha human nga miawas ang tubig sa mga sapa sa Ala og Kapingkong, gidunganan pa sa pagpalyat sa agianan paingon sa Liguasan Marsh sa kasikbit nga probinsya sa Maguindanao.
Matud kay Henry J. Albano, action officer sa Provincial Disaster Risk Reduction and Management Council, nangayo og ayuda si Lambayong Mayor Ramon Abalos aron matabangan ang libuan nga naapektuhan sa baha.
Gibutyag ni Albano nga nagpadala na siya og pipila ka rescue team sa mga gibahaan nga lugar, lakip ang mga barangay sa Tinumigues, Pinguiaman, Sadsalan og Udtong, aron masiguro ang kaluwasan sa katawhan nga nahikling usab.
Matud usab kay Mayor Abalos, naghatag na ang lokal nga panggamhanan og mga ayuda sa mga gibahaan samtang gibutyag usab ni ni Albano nga giandam na sa PDRRMC ang hinabang nga ihatag sa mga biktima, sa kalamduan ni Gov. Sultan Pax S. Mangudadatu.
