GENERAL SANTOS CITY – Mamahimong simple lamang ang labing unang charter anniversary sa Gensan nga matigayon sa Hunyo 15, 2017.
Kini ang ika- 49 nga charter anniversary sa dakbayan,sumala pa ni Kag. Shandee Llido Pestanio.
Matud pa sa opisyal, angayang tul-iron ang sayop nga naandan nga matag September 5 sa tuig ang pagsaulog sa charter anniversary sa dakbayan.
Gibutyag ni Kag. Pestanio nga basi sa gipirmahan ni kanhing pangulong Ferdinand Marcos, sa Hunyo 15, 1968 ang charter anniversary sa syudad og dili September 5, 1968 nga mao nay naandan sa dugay nga panahon hinungdan nga kinahanglan kining korihian.
Naninguha ang nasampit og dakong selebrasyon sa ika-50 nga pagsaulog sa charter anniversary sunod tuig.
Apan gipaklaro ni Kag. Pestanio nga magpabilin nga saulogon sa syudad ang Tuna Fest sa matag September 5 sa tuig.
