GENERAL SANTOS CITY – Padayon pang giimbestigahan sa Bureau of Fire Protection ang natigayon nga sunog sa Prk. Matatag, Polomolok South Cotabato kagabie.
Upat ka panimalay nga naa sa usa ka compound ang naugdaw kon asa pulos ginama sa light materials. Sa inisyal nga imbestigasyon nagsugod ang sunog alas pasado alas 6:00 sa kagabie.
Basi sa pahayag Roy Sarangonan, residente sa lugar, gibutyag niini nga nagsugod matud pa ang kalayo sa balay sa nagpangalan ug Marigmen og naangin ang balay ni Tata Sinahol, Sandra Salnungan og Michelle Magpon.
Gikabutyag nga nakit-an ang pag-spark sa kuryente og dayon nagpadayon ang pagkusog sa kalayo og nikatag sa mga balay.
Kahibaluan nga nag-iyahay sa paghakot sa ilang mga gamit ang mga silingan gumikan sa kahadlok nga makaabot sa ilang balay ang sunog.
Samtang walay nasalba nga mga gamit ang mga nasunogan gumikan wala sila dihang natigayon ang sunog.
Sa pagkakaron padayon pang gisuta sa BFP ang damyos og tinuod nga hinungdan sa sunog.
