GENERAL SANTOS CITY – Walo ka mga baka ug uban pang mga kahayupan gawas sa mga gamit sa mga residente ang naanod human ang nasinatiang pagbaha miaging adlaw sa Maribulan, Alabel, Sarangani.

Kini ang gikumpirma sa mga residente sa naasoy’ng lugar. Kahinumduman nga kapin 100 ka mga residente ang nahimong apektado sa pagbaha sa naasoy’ng lugar tungod sa baha.

Kini human milapaw ang tubig gikan sa Buayan ug Maribulan River.

Nakuyawan ang mga residente human nga miabot kutob tuhod sa highway samtang abot sa dughan sa sentrong bahin sa barangay.

Samtang naabot sa tubig ang mga kasagingan ug kalubihan.

Luyo nga nakabalik na sa ilang mga panimalay ang mga residente, nagpabiling nakaalerto ang mga residente sa naasoy’ng lugar, gumikan sa nasinatiang mga pagdag-um ug pag-ulan sa naaso’ng probinsya bisan dinhi sa dakbayan ug mga kasikbit lugar.