GENERAL SANTOS CITY – Ubay nga mga sachet sa gidiling droga, armas ug mga gipang-chop-chop nga parte sa motorsiklo ang narekober gipahigayon nga ‘One time big time operation” og search warrant operation sa mga otoridad sa nagkadaiyang bahin sa Brgy Poblacion Polomolok South Cotabato.
Unang gisulod ang balay ni Pedro Alan Ranes og Bruno Ranes sa Asocena St. Brgy Poblacion apan wala ang mga nahisgutan. Apan luyo niini narekober sa jar sulod sa balay ang 15 ka sachet sa droga.
Sa ikaduhang search warrant operation sa balay ni Juanito Ranes sa San Isidro Brgy Poblacion, nagnegatibo sa gidiling droga ang tulo ka kuwarto.
Apan sa dihang gisusi ang usa ka abandonadong kotse sa tulo ka sakyanan ni Ranes, 11 ka sachet sa suspected shabu ang narekober.
Samtang sa ikatulong Search warrant operation nga gipahigayon sa Norcos compound, Miana Subd, Brgy. Poblacion, gisikop ang subject nga si Lionel Norcos kauban silang Elives Norcos, Bernie Norcos og Bonjic Alhas human nga naabtan sa lugar.
Narekober ang pipila ka sachet sa droga, usa ka caliber 45 pistol og mga gipang-chop chop nga parte sa motorsiklo.
Nasuta nga si Lionel Norcos ang adunay warrant of arrest sa kasong carnapping w ith homicide.
Sa pagkakaron, balhog na sa selda ang mga dinakpan og gihikay na ang mga dokumento alang sa pagpasaka ug kaso..
