GENERAL SANTOS CITY – Naghatag ug mga pagpaklaro si Atty Rey Cartojano, inilang abugado sa dakbayan, kalabot sa posibleng mga rason nganong wala nakalusot si outgoing DENR Sec. Gina Lopez sa gamhanang Commission on Appointments.
Sumala pa nga posibleng kini tungod sa kakulangon sa istratehiya ug pamaagi ni Lopez, gumikan miatake gilayon human milingkod sa pwesto, hilabi na kalabot sa isyu pagmina.
Naihan matud pa si Lopez sa gihimong agresibong mga lakang, butang nga nga alang sa pipila sa mining industry, dili maproteksyunan ang ilang interes.
Hinungdan nga bisan ug insakto man ang buot ipatuman niini alang sa pagpanalipod sa kinaiyahan, apan kon kulang o sayop ang pamaagi o kaha ang timing.
Hinungdan nga magsilbi matud pa kining leksyon sa mga musunod nga matuboy sa pwesto nga muhimo ug lakang sa insaktong timing.
Gatuo usab si Atty Cartojano nga usa usab sa mga rason mao ang kakulangon sa experience kon kasinatian ni Lopez sa pamulitika.
Alang usab kang Atty Cartojano, mas maayo unta kon wala gibigla inay giagi sa ubang pamaagi sama sa pagmulta, hilabi na nga ang tumong sa buhatan sa DENR ug sa mga gipanday nga balaod nga i-regulate ang mga patakaran kalabot sa pagmina ug dili pasirad-an.
Kahinumduman nga kasamtangan pang gapangita ang Malacañang alang sa muhulip kang Lopez isip kalihim sa DENR.
