GENERAL SANTOS CITY – Nagtuo si Professor Richard Pernia nga husto lamang ang gihimo ni Pangulong Rodrigo Duterte nga wala gihisgutan atol sa gipahigayong Association of Southeast Asian Nations kon ASEAN Leader’s Summit ang isyu sa arbitral ruling sa giilogang teritoryo sa West Philippine Sea.
Nakasaway si Pernia ngadto kay Magdalo Partylist Rep. Gary Alejano sa pagsaway kay Pangulong Duterte nga matud pa nagpakita ug kahuyang og nitalaw sa China.
Matud ni Pernia, mubo kaayo og pagsabot si Rep. Alejano kon unsay diplomatic relationship.
Gibutyag ni Pernia, wala nakit-an sa magbabalaud ang implikasyon kon ugaling gipanghingusgan sa presidente ang aribitral ruling atol sa ASEAN Summit gumikan ang mga lideres nga miembro sa ASEAN ang adunay nagkadaiyang panglantaw kalabot niini.
Sa pahayag ni Pernia, walay ikasukol ang nasud kon ugaling makig-gyera sa China.
