GENERAL SANTOS CITY – Excited na ang team Sonsona ilabina si Boy Sonsona sa engkwentro sa anak niin nga si Eden Sonsona nga matigayon karong Mayo 6 sa Ekaterinburg, sa nasud Russia.
Makalaban sa GenSan boxer ang undefeated kon walay pildi nga Russian boxer nga si Russian Evgeny Chuprakov alang sa WBO Intercontinental super featherweight title.
Malaumon si Sonsona nga magmalampuson dungan sa pagbutyag nga siento porsyento nang andam sa pakigsangka ibabaw sa ring. Si Sonsona, 28 anyos, adunay boxing record nga 36 ka daug kon asa 13 pinaagi sa knockout og unom ang pildi.
Kahinumduman nga gipildi via TKO sa GenSan boxer si Mexican Adrian Estrella sa miaging duha ka tuig nga engkwentro didto sa Mexico hinungdan nga naangkon ang WBC International Silver title.
Sa miaging Pebrero naangkon ni Sonsona ang bakanteng WBF International super featherweight totle via first round TKO batok kang Jovany Rota.
Samtang ang kalaban ni Sonsona karong Mayo 6 nga si Chuprakov, 26 anyos adunay boxing record nga 17 ka daug kon asa siyam niini pinaagi sa knockout.
Nasuta nga sa miaging Abril 30, miabot na sa Russia si Sonsona kauban ang iyang mga cornermen, lakip na ang Sanman gym trainer nga si Romeo Desabille og nga amahan niini nga si Boy Sonsona.
