GENSAN- Gilauman nga mahidangat karong adlawa dinhi sa dakbayan ang mga atleta sa Palarong Pambansa nga gipahigayon sa probinsya sa Antique.
Kahibaluan nga gipahigayon na kagahapong adlawa ang closing ceremony sa maong pinakadakong sporting event nga gisalmotan sa mga atleta gikan sa mga rehiyon sa nasud.
Matud pa ni Celso Tingson, physical education sports coodinator sa DepEd GenSan nga ang ubang players og delegado sa Palaro ang niuli na niadtong Biernes sa hapon og gilauman matud pa nga makaabot kini ning adlawa.
Basi sa Palarong pambansa 2017 medal tally, anaa sa ikalima nga pwesto ang SRAA Region 12 kon Socsargen human ang nakuha nga 83 ka medal.
Baynte dos niini gold medals, silver -22 og bronze -35.
Gumikan sa maong standing, nagmalampuson ang Region 12 sa pangandoy nga malabwan ang ikapito lamang nga pwesto sa palaro sa miaging tuig.
