GENERAL SANTOS CITY – Katapusang higayun na matud pa sa mga kritiko nga mupasaka ug reklamo batok kay Pangulong Rodrigo Duterte ngadto sa International Criminal Court kon ICC.
Kini ang panglangtaw sa inilang abogado dinhi sa dakbayan nga si Atty. Rogelio Garcia.
Sumala niini, walay paigong ebidensiya nga ang pangulo ang hinungdan sa kamatay sa nasud ilabi na kadtong mga nalambigit sa iligal nga droga.
Klaro sa findings sa imbestigasyon nga gipahigayon sa Senado nga gipangunahan ni Sen. Richard Gordon nga walay Extra Judicial Killings sa nasud nga hugot nga gilambigit ngadto kay Pang. Duterte.
Nagtuo si Atty. Garcia nga walay padulngan ang kasong crime against humanity nga gipasaka sa abogado ni Edgar Matobato nga si Atty. Jude Sabio sa ICC batok sa Pangulo.
Kini tungod huyang ang ebidensiya sa kaso ug pulos ‘hearsay’ kon hinimu-himo lamang ang akusasyon batok sa Presidente.
