GENERAL SANTOS CITY – Nagpabilin pa sa ospital ang 14 anyos nga batang lalaki human nga aksidente kining napusilan sa responsable sa taga Sitio Talik Tokawal Alabel Sarangani.
Giila ang biktima nga si Arjay Makatunaw nga residente sa maong lugar. Kahibaluan nga bala sa 22 revolver ang nakaigo sa nasampit partikular sa wala nga bahin sa bukton.
Matud ni P/SR/Insp. Benjie Ancheta, hepe sa Alabel Munucipal Police Station nga natigayon ang insidente samtang gipakita ni Gary Tondog, 28 anyos, minyo ang iyang pusil og gidula-dulaan. Apan samtang gigunitan, aksidente niining nakablit ang gatilyo og naigo ang biktima..
Hinuon, gibutyag sa pamilya sa biktima nga dili na sila buot magpasaka og kaso batok sa suspek. Si Tondog ang kasamtangang nabalhog sa selda.
Apan luyo niini, ipadayun gihapon sa maong presinto ang pag-imbestiga sa suspek nganong naghupot kini ug pusil.
Samtang gibutyag ni SR/Insp. Ancheta nga makapatay ang 22 caliver pistol kon makaigo kini sa ulo o fatal ang igo sa lawas sa biktima.
