-- ADVERTISEMENT --
GENERAL SANTOS CITY – Gibalhin ug padayong nagpaalim sa Dr. Jorge P Royeca Hospital ang usa ka 14 anyos nga lalaki human aksidenteng napusilan ang kaugalingon.
Giila ang biktima nga si Arjay Macatunao, taga-Tokawal, Alabel, Sarangani Province.
Nasayran nga gidulaan sa nasampit ang 38 revolver nga gipanag-iyahan sa usa ka Gary Tondog, 28 anyos, sa pagtuo nga wala kini bala.
Apan dihang gikablit ang gatilyo, kalit mibuto ang pusil hinungdan nga nakaangkon ug samad-pinusilan sa tuo nga abaga ang biktima.
Giimbestigahan na sa mga otoridad ang nasampit nga insidente.
-- ADVERTISEMENT --
