GENERAL SANTOS CITY – Daghang mga atleta sa Region 12 ang may potential nga makakuha og gold medal sa Palarong Pambansa 2017.
Matud ni Jojo Duhilag, ang DepEd-12 sports coordinator, dako ang potensiyal sa player nga taga GenSan sa billiards gumikan maayo ang nasampit.
Malaumon usab sa igsoon ni Beroy Casi nga taga Tboli nga lakip sa track and field. Kahinumduman nga si Casi ang record holder sa miaging tuig nga Palarong Pambansa apan dili na kwalipikado sa Palaro gumikan kapin na sa 18 anyos.
Gawas niini gilauman usab nga makakuha gihapon og gold medal ang mga atleta sa baseball, boxing, taekwondo lakip na ang gymnastics.
Gibtuyag ni Duhilag, nga anaa sa 70-80 % ang preparasyon nila samtang sa Abril 15 ang biyahe sa mga atleta gikan sa South Cotabato paingon sa Cagayan de Oro pinaagi sa bus samtang pag-aabot sa maong lugar, adunay gahulat nga barko aron sakyan paingon sa Antique kung asa ipahigayon ang palarong Pambansa
