GENERAL SANTOS CITY – Miuyon na si GenSan Mayor Ronel Rivera nga sa tapad sa Bureau of Internal Revenue ipahimutang ang City Health Office nga kasamtangan nahimutang sa area sa Dr. Jorge P. Royeca Hospital sa Brgy. Lagao ning dakbayan.
Kini ang gikumpirma sa labaw sa city housing and land management office nga si Mary Ann Tan Bacar.
Matud pa ni Bacar nga gipapahawa na ang CHO sa ilang gikahimutangan karon gumikan buot ipa-repair unta ang maong area alang sa out patient department sa maong ospital.
Una niini misumiti og urgent resolosyon si Kag. Rosalita NUñez nga gahangyo sa mayor nga ibalhin duol sa oval plaza ang CHO aron dili na lisod ngadto sa katawhan ang pag-asikaso sa mga dokomento alang sa pagpangita og trabaho.
Matud pa sa konsehal, mihangyo na siya sa DOH og P30 million alang sa pagpatukod sa bag-ong gambalay sa CHO.
