GENERAL SANTOS CITY – Subject gihapon sa ‘legal challenge’ ang ipasa nga balaud sa Kongreso nga i-authorize si Pangulong Duterte nga mag–appoint og mga barangay officials inay nga magpahigayon og barangay elections.
Matud ni Atty. Rey Cartojano, adunay probisyon sa balaud kabahin sa termino sa mga barangay officials kon asa tulo ka tuig lamang.
Ugaling adunay mapasa nga balaud kabahin sa appoinment, pwede gihapon kini kwestyunon tungod ang barangay position ang dili appointive kon dili elective nga buot pasabot ang mga katawhan ang mupili sa ilang opisyales.
Wala usay probisyon sa balaud nga ang presidente ang adunay ‘authority’ nga mu-appoint og OIC’s sa barangay.
Apan nga maski walay balaud, ‘by default’ ugaling adunay mabakanteng pwesto, pwede mag-appoint ang presidente aron nga dili lamang mapasagdan ang basic services nga alang sa mga katawhan.
Ugaling mupasa og balaud ang Kongreso, angayang klaruhon nga limitado lamang sa mubo nga termino og dili full term nga tulo ka tuig ang gi-appoint sa pangulo sa barangay aron dili musupak sa balaud.
Una nang nagkanayon ang pangulo nga ang giduso nga pagsibog sa barangay elections tungod 40% sa mga barangay matud p ang nalambigit sa iligal nga droga.
