GENERAL SANTOS CITY – Nagpakabana si Sarangani Governor Steve Chiongbian Solon kung unsa na ang nahimong sitwasyon ni Maitum Mayor Bryan Reganit nga nagpabiling nagtago sa balaud.
Apan sumala ni Gov. Solon, karong ulahi, wala pa siyay nadawat nga impormasyon kalabot sa gihimutangan ni Mayor Reganit.
Kahibaluan nga napagawasan og warrant of arrest sa korte ang mayor og nakasuhan kalabot sa kamatayon ni kanhing Maitum Mayor George McPerson Perrett human nga gi-ambush kaniadtong February 28, 2014.
Apan nagtuo si Gov. Solon nga adunay kanunay’ng komunikasyonn si Reganit sa iyang abogado alang sa pag-asikaso sa iyang kaso.
Gihingusgan sa gobernador, kinahanglang muatubang sa korte si Mayor Reganit.
Una nang gibutyag ni P/Sr Supt Joseph Semillano, Provincial Director sa Sarangani nga walay niduol kanila nga surrender filler ni Mayor Reganit og walay nadawat nga impormasyon kung asa ang gihimutangan niini pagkakaron.
