GENERAL SANTOS CITY – Gipangita na sa kapulisan ang CAFGU member nga midunggab sa usa ka biktima nga si Elem Malayon nga anaa karon sa tambalanan ning syudad.
Matud ni PO3 Rico Jalico, imbestigador sa Malungon Municipal Police station nga ang suspek nagpangalan ug Ricky Silaya, anak sa Kapitan sa Malabud ug CAFGU member sa Alkikan Detachment.
Gikadugang ni Jalico nga ila nang na estorya si Kapitan Jalico aron ipaatubang ang anak apan gibutyag nga wala matud pay kontak sa suspek.
Migawas sa imbestigasyon nga fiesta sa Malabud dihang nag-away ang suspek ug ang asawa niini sa gawas nga bahin sa disco apan mipatunga ang biktima nga kabanay gihapon sa suspek hinungdan nga naigo sa pagdunggab.
Alas 11:00 pasado sa gabii misibat ang suspek ug hangtud karon nagpabilin nga nagtago sa otoridad.
