GENERAL SAN TOS CITY – Gipasamatan ni Kagawad Dante Granada nga nahulog na lamang nga 15 ka adlaw gikan sa unang sugyot sa Blue Ribbon Committee pinaagi ni Kag. Edmar Yumang nga 60 diyas nga preventive suspension kalabot sa reklamo nga pagpanakit batok kanila ni Kapitan Remus Declaro.
Nasayran nga nadesisyunan ang rekomendasyon nga 15 ka adlaw nga suspenyon sa duha ka opisyal sa Brgy. Bula atol sa sesyon kagahapon sa SP.
Sa eksklusibong pakighinabi sa Bombo Radyo, gibutyag ni Kag. Granada nga wala silay mahimo kon dili sundon ang maong suspensyon.
Apan subling gihingusgan nga dili tinuod ang alegasyon kanila ni Mark Balcita, kinsa usa ka job order worker nga kini gipasakitan sa lamay nga nahitabo kaniadto pang July, 2016.
Dismayado gihapon si Kag. Granada nga wala na sila makapasa ni Kapitan Declaro og counter affidavit tungod ang rason ni Kag. Yumang nga dili dawaton sa council.
Gipakamaayo na lamang sa ilang abogado nga dili na lamang magpasa og counter affidavit tungod usab nagsumite sila og motion to dismiss sa kaso.
Ang rekomendasyon nga isuspenso silang Kapitan Declaro og Kagawad Granada wala nagpasabot nga guilty o sad-an na sila sa kasong giatubang sa konseho.
Hinuon, dili pa pinal ang 15 diyas nga suspensyon tungod ang mayor gihapon ang magdesisyon kung ipatuman kini o dili.
