GENERAL SANTOS CITY – Nagpadayon ang manhunt operation sa Malungon Police station sa eskapo nga si Junifer Zabala, 36 anyos nga taga Lagao ning dakbayan.
Kini luyo nga nanguna ang duha ka pulis nga silang Po1 Ruel Mayora ug Po1 Rocky Padernal ang gitahasan nga mabalik sa prisuhan ang suspek.
Gibutyag ni Police Sr. Instr. Richard Pabalinas nga wala gisuspenso ang duha ka sakop hinuon mao matud pay gidestino sa patrol Unit.
Rason niini nga nakasuhan na ug kriminal silang Mayora ug Padernal hinungdan nga gitahasan na lamang nga pangita-on ang nakaikyas nga wanted person.
Kini human mapasaka ang kaso kalabutan sa pagsupak sa section 224 sa Revised Penal code ug kung mapamatud-an nga adunay kakulang ang duha ka Pulis posebli nga sila masuspenso ug unom ka bulan dependi sa ipahamtang nga silot ngadto kanila.
Labing bug-at nga silot sa duha ka pulis ang posible nga matangtang sa serbsiyo.
