GENERAL SANTOS CITY – Kustodiya gihapon sa Sarangani Provincial Police Office si PO1 Randy Guaza.
Gikumpirma ni Police Sr. Supt. Joseph Semillano nga na-endorso na sa regional office ang kaso ni Guaza luyo nga napasaka na ang kasong kriminal.
Matud sa opisyal nga magsugod na ang imbestigasyon kang Guaza sa kaso nga administrative.
Gipaklaro ni Semillano nga wala nag AWOL ang nahisgutang Pulis human gipanghimakak nga wala mikuha sa mukapin usa ka libu ka itik nga panag-iya ni Joy Mercera nga taga Koronadal City.
Una nang gikwestyon sa prosecutors Office nganong nag-inusara lamang si Guaza nga nakasuhan luyo nga daghan sila kung mag operate kontra druga.
Una nang gibutyag sa mga reklamanate nga si Guaza lamang ang ilang nailhan luyo nga aduna pay laing kusog ang suspek dihang gipakanaug ang mga Itik gikan sa elf truck niadtong Enero 7 niining tuiga sa Compac sa kiamba Sarangani Province.
Karong adlawa subling mubalik sa Provincial Command si Mercera aron mag execute ug supplemental affidavit kontra sa laing pulis nga kauban ni Guaza.
