GENERAL SANTOS CITY – Midangop sa sibyahanan ang anak sa usa ka overseas Filipino worker kon OFW nga matud pa gimaltrato didto sa Saudi Arabia.
Kini aron magpatabang aron matabangan nga makauli ang iyang inahan nga nagtrabaho sa nasampit nga nasud.
Matud ni Jimboy Tabunyag, taga-Palimbang, Sultan Kudarat, apan temporaryo nga nagpuyo sa Calumpang ning dakbayan, nagapangayo ug tabang ang iyang Inahan nga si Rose, human kini magtext ug nagpahibalo nga gipagutman samtang gipriso sulod sa usa ka lawak.
Sumala pa nga lima ka tuig nang nagtrabaho sa nasampit nga nasud ang Inahan ug gusto nang mupauli.
Apan gipugngan matud pa kini sa iyang amo ug gipriso ug lima ka bulan ng wala gihatagan sa iyang sweldo.
Hinuon, wala matud pa ginapasakitan ang iyang inahan, apan kanunay matud pa niining gireklamo ang pagpanakit sa iyang ulo, butang nga gikabalaka usab sa iyang mga kabanay dinhi sa Pilipinas.
Sumala pa nga iyaha nang giadtu-an ang recruiter nga nagpangalan ug Fatima apan wala na sa lugar ang naasoy nga babaye.
