GENERAL SANTOS CITY – Laing insidente na usab sa diskriminasyon ngadto sa Blaan ang nahitabo luyo sa pagpangayo og pasaylo kagahapon ni Angelo Nolasco kang Kag. Ben Talon og sa mga konsehal human niini giyatakan ang maong tribo subay sa gi-post sa social media.
Kini human nga usa ka Marcelo Imda, 37 anyos, usa ka Blaan usab nga residente sa Maligo Polomolok ang nireklamo sa Lagao Police Station human naulawan sa daghang tawo samtang nag-inom sulod sa Xplore bar miaging gabie.
Pagsaysay niini, nag-inom sila sa kauban ang iyang ig-agaw sa maong bar kon asa dihang nagpalabas ang tulo ka bading, nag-joke ang mga nasampit gamit ang mga pulong sa Blaan.
Sakit kaayo alang kanila ang nahitabo kon asa gipangita gilayon ang tigdumala sa imnanan aron magreklamo apan wala sila giatubang.
Hinungdan nga gikuha niini ang microphone aron unta ipasabot sa mga anaa sa bar nga respituhon silang mga Blaan.
Samtang gasulti sa atubangan, gitangtangan og wire ang iyang microphone.
Tungod sa iyang kasuko, wala niya mapugngan nga iyabo ang gi-order nilang ilimnon og nigawas sa bar.
Apan gisundan sila sa bouncer og gitulak og gisipa siya usa ka kahigayon.
Luyo nga wala mailhan ang pangalan sa tulo ka bayot og sa bounce, desidido gihapon si Imba nga kasuhan ang mga nasampit og buot mapatawag sa SP aron magpaklaro sa insidente.
