GENERAL SANTOS CITY – Malampusong nailog sa militar ang kampo sa teroristang grupo sa Bansalan Davao Del Sur.
Kini ang gibutyag ni Lt. Silver Bilbes, tigpamaba sa 39th Infantry Batallion sa Philippine Army sa Bombo Radyo human ang natigayong engkwentro tali sa rebeldeng NPA sa lugar.
Matud sa opisyal, dako kini nga kampo tungod sa iyang pagbana-bana, muokupa kini og 70-80 ka bandido.
Sa pahayag pa niini, nagsugod pagsinukliay ug bala dihang nakadawat sila og impormasyon gikan sa mga residente kalabotan sa presensiya sa mga armadong tawo sa naasoyng lugar.
Giangkon ni Lt. Bilbes nga gibomba gamit ang ilang MG Helicopter og nagpabuto usab og 150 howitzer ang mga rebelde atol sa engkwentro nga nagresulta sa paghikling sa mga tawo.
Nasayran nga narekober sa kasundalohan atol sa ilang clearing operation ang landmine, M16 armalite rifle, pipila ka mga dokumento og medical paraphernalias.
