GENERAL SANTOS CITY – Nagpabilin gihapong wala nailhan ang usa ka lalaki nga nakalutan nga patay sa Sitio Lamkuwa, Brgy. Maligo, Polomolok South Cotabato sa miaging adlaw.
Kini subay sa gipadangat nga impormasyon sa Polomolok MUnicipal Police Station kon asa gibutyag nga walay mupatim-aw nga pamilya ngadto sa ilang presinto aron kumpimahon nga ilang kabanay ang maong biktima sukad nga nakubkuban sa kapulisan sa kapinyahan nga bahin sa maong lugar.
Kahibaluan nga gumikan sa kamabaw sa lubong gilayon nga migawas ang tuhod nga bahin sa biktima.
Nasayran nga walay ID ang maong lalaki dihang gisusi sa SOCO gawas lamang nga checkered ang short og walay sapot nga gisul-ob sa ibabaw.
Giputos pa ug packaging tape ang tibuok ulo sa nasampit samtang nakagapos ang duha ka mga kamot niini ngadto sa iyang likod.
Teorya sa kapulisan sa maong kaso nga dili sa lugar gipatay ang biktima kun dili gidala lamang sa lugar ug gilubong.
Gani gituohan sa mga residente sa lugar nga usa ka salvage victim ang maong lalaki
