GENERAL SANTOS CITY- Wala pay semana human mipirma ug oath of commitment ang JY Enterprise , Mudia ug Pandian subli nga nabati-an ang buto-buto sa armas sa Hacienda Espina.
Kini human mireklamo kagahapon sa Makar Police station ang gwardya nga si Dalton dan Panaguiton nga nagbantay sa propedad sa JY Enterprise.
Gilayon nga nagrespondi silang Police Chief Instr. Renato Salarda ug gisusi ang giingong lugar nga naigo sa pagpamusil.
Agi sa pinusilan ang nakita nilang Salarda sa sakyanan nga gakuha ug tubig lakip ang mga badlis sa bongbong sa gambalay nga agi sa pinusilan.
Gisusi nilang Chief Instr Salarda ang gigikanan sa bala ug nagpunting kini sa mga ni Rodrigo Olarte.
Mao usab kini ang bersyon sa mga gwardya nga sakop sa mga Olarte ang mipabuto ug pusil ug gitiro ngadto kanila.
Gilayon nga gitawag ni Salarda ang kontak niini sa mga gwardya sa mga Olarte apan matud pa kini tubaga.
Kahinumduman nga gipahinumduman sa nahisgutang Opisyal ang mga nag-ilog nga grupo nga kung adunay mahitabo sa lugar gilayon kining pahibaluon.
