Daghang engkwentro lauman pa tungod sa paggukod sa mga militar sa mga miyembro sa NPA

GENERAL SANTOS CITY – Lauman pa ang daghang engkwentro tungod sa paggukod sa mga militar sa mga miyembro sa New Peoples Army sa mga kabukiran.

Kini ang bahad ni Lt. Daryl Cansancio, tigpamaba sa 73rd IB Philippine Army ngadto sa mga rebelde nga nagmagahi ug nagpabilin sa ilang mga kalihukan sa kabukiran.

Sumala pa nga samtang nagpadayon ang pagpang-extort ug uban pang aktibidad sa mga rebelde sa lugar sama sa Datal Anggas sa Alabel ug uban pang kasikbit lugar nga gikahimutangan karon sa mga walhong grupo, dili muundang ang militar sa paggukod ug pag-neutralize kanila.

Samtang, giawhag usab niini kadtong mga bag-ong recruit ug miyembro sa mga rebelde, nga mutahan na lamang sa gobyerno gumikan tabangan sila nga magbag-o.