Pamilya sa OFW gibate ug kahadlok sa hukom sa Judicial Court sa Abu Dhabi
GENERAL SANTOS CITY-Kabado ang pamilya Dalquez sa hukom karong adlawa sa Al In Judicial court of Appelas sa Abu Dabhi alang kang Jennefer Dalquez.
Gapangayu ug suporta ang pamilya Dalquez pinaagi sa pag-ampo aron dili madayon ang gikahadlukan nga pagbitay sa taga Gensan nga OFW.
Kahinumduman nga gihilakan ni Regima Dalquez ang pagpangayu ug tabang kang Pangulong Rodrigo Duterte nga gituhu-an niini nga adunay dakong ikatabang sa kaso sa iyang anak.
Kini human mabutang sa death row human mapatay ang Amo nga Arabo nga milugos kaniya niadtong Desyembre 2014.
Luyo nga gihingusgan nga self defence lamang ang gihimo sa Pinay OFW. Kini usab ang gigamit nga depensa sa abogado sa Embahada sa Pilipinas human gipakita ang mga bun-og ug paso sa lawas ni Jennefer human sa panghitabo.
Kahinumduman nga tuig 2011 mipahawa sa nasud si Jennefer aron magtrabaho isip Domestic helper sa Abu Dhabi United Arab Emerates.
