Nabayaran na ang 90% sa kinatibuk-ang obligasyon sa Health Emergency Allowance (HEA) nga P103.5 bilyon human sa desisyon ni Presidente Ferdinand R. Marcos Jr. nga hingpit nga pondohan ang nahibiling P27.3 billion karong tuiga.
Nagkanayon ang Department of Health (DOH) nga isip implementing agency, naka-settle na kini og dul-an 14.5 million claims gikan sa mga health workers nga nagserbisyo sa panahon sa Covid-19 pandemic.
Niadtong Abril ning tuiga, ang DOH nakatala uog mokabat sa P23.4 billion nga kantidad sa mga HEA obligations alang sa 4.3 million nga claims nga dili mabayran tungod sa kakulian sa budget.
Human maproseso ug mahatag sa DOH ang mga claims, kini nga gidaghanon misaka sa P27.3 billion.
Niadtong Hulyo, gimandoan ni Presidente Marcos si Budget and Management Secretary Amenah Pangandaman nga dili na maghulat sa General Appropriations Act of 2025 nga bayran kini nga kantidad ug iproseso kini karong tuiga.
Samtang ang DOH nagbutyag nga ang surplus fund balance o sobra nga bayad nga giuli sa Philippine Health Insurance Corporation (PhilHealth) ngadto sa nasudnong kagamhanan naghatag sa gikinahanglang kuwarta.
Ingon man nga nipagawas ang Department of Budget and Management (DBM) og Special Allotment Release Order (SARO) aron matuman sa DOH ang obligasyon.
