GENERAL SANTOS CITY – Mukabat sa 90 ka kanhi sakop sa New People’s Army kon NPA ang nagsurender sa mga otoridad sulod sa unang 10 ka bulan ning tuiga sa Saranganig og kasikbit nga mga lugar.
Sa pamahayag ni Lt. Col. Ronaldo Valdez, commanding officer 73rd Infantry Battalion Philippine Army nga nagsurender ang mga nasampit gumikan dili na makaagwanta sa kalisod nga nasinatian sa kabukiran og gusto nga madawat usab ang mga benepisyo nga gitanyag sa gobyerno.
Gibutyag nga 70 ka mga armas ang gitahasan sa mga nasampit. Kasagaran sa mibalik sa sabakan sa gobyerno ang mga sakop sa NPA’s Guerilla Front 71 Far South Mindanao Region, nga ga-operate sa Sarangani og Davao Occidental.
Samtang 19 ka kanhi sakop usab sa NPA ang nakadawat og financial assistance gikan sa Department of Social Welfare and Development (DSWD).
Pinaagi sa DSWD Community Base Services Section program, ang kada usa nga kanhi mga rebelde ang nakadawat og tag P6,000.
