Wala ang pulong nga ‘ retired’ sa bokabularyo sa 90-anyos nga si Beverly Hannett-Price.
Human sa 67 ka tuig nga pagtudlo, opisyal siyang giila sa Guinness World Records isip naghupot sa titulo nga “longest career as a language teacher (female)”.
Nagsugod siya sa pagtudlo og Ingles niadtong 1958 sa Detroit Country Day School.
Sulod sa halos pito ka dekada, nahimo siyang magtutudlo sa daghang mga bantogang personalidad sama sa mipanaw nga aktor sa Hollywood nga si Robin Williams, Steve Ballmer (kanhi CEO sa Microsoft), ug Courtney B. Vance (award-winning nga aktor).
Sa usa ka sorpresa nga asembliya, emosyonal nga gidawat ni Hannett-Price ang award ug miingon nga magpadayon siya sa pagtudlo kutob sa iyang mahimo tungod kay ganahan siya sa pagtudlo.
