GENSAN-Sangko sa langit ang pagsubo sa pamilya human nga nakuryentihan patay ang usa ka batang lalake human misaka sa usa ka kural nga bahin sa Zone 1, Purok Christian Village, Barangay Calumpang, Gensan pasado ala 1 sa hapon kagahapon.
Giila ang batang lalake nga si Prince Ancot, 9 anyos ug residente sa maong lugar.
Sa pakighinabi sa Bombo Radyo sa inahan sa bata nga si Stephanie A. Balintang, gibutyag niya nga kaduha nila giapas ang anak nila sa internitan wala mukuyog balik kanila sa ilang balay tungod kay dako pa og oras sa pagdula.
Apan taud-taud, wala na lamang nila damha nga aduna nay mitawag sa ilaha nga nagpahibalo nga nakuryentihan ang ilang anak.
Nahibulong sila paunsa nasangit ang ilang anak sa kural.
Sa pamahayag sa nasampit nga mutabang kanila sa mga galastuhon sa ospital og pagpalubong sa iyang anak ang tag-iya sa maong live wire.
Nasayran nga gidala sa ospital ang bata apan sumala pa nga nakabsan kini sa iyang kinabuhi.
