GENERAL SANTOS CITY – Arestado ang usa ka sikad driver nga suspek sa pagpanglugos sa usa ka 9-anyos nga batang babaye.
Giila ang suspek nga si Freddie Casubes, 61-anyos, taga-Pioneer Village Brgy Lagao ning dakbayan, human masikops sa gipahigayon nga hot pursuit operation, ug positibong gitudlo sa biktima.
Base sa imbestigasyon, misakay ang biktima sa sikad sa suspek ug magpahatod unta sa Brgy Lagao aron muuli, apan gidala hinuon kini sa Brgy Apopong, ug didto gilugos.
Natingala na lamang matud pa ang inahan sa biktima dihang miuli kini nga gahilak, ug nagkadugo ang underwear.
Didto na gisumbong sa biktima ang iyang nadangatan, ug gilayon silang midangop sa kapulisan.
Wala usay lipud-lipod nga giangkon sa suspek ang nahimo, ug gibutyag nga nahimo lamang ang sa ingon gumikan buot niyang sulayan kon mugahi pa.
Narekober pa sa posisyon sa suspek ang gel nga matud pa pangpagahi.
Samtang, migawas sa medical results sa biktima nga positibo kining nalugusan.
Nag-atubang karon ug kasong rape ang suspek nga kasamtangan nang balhug sa selda.
