-- ADVERTISEMENT --

Labing menos siyam ka mga tawo ang namatay human nahugno ang usa ka tulay sa India.

Ang insidente nahitabo sa Vadodara district, Gujarat state sa Western India.

Matod kay Health Minister Rushikesh Patel, daghan ang sakyanan ang nag-agi sa naguba nga bahin sa tulay.

Ubay-ubay usab ang mga tao ang nangahulog sa sapa diin giluwas dayon sila sa mirespondeng mga awtoridad.

Giingong tungod sa pipila ka adlaw nga pagbunok sa ulan, ang bahin sa tulay nga gitukod niadtong 1985, nahugmak.

-- ADVERTISEMENT --

Ang Punong Ministro sa India nga si Narendra Modi nagpahayag sa iyang pahasubo sa mga biktima ug nanawagan alang sa usa ka bug-os nga imbestigasyon sa pagkahugno sa tulay.