Namatay ang 9 ka tawo human mibuto ang Lewotobi Laki-laki nga bulkan sa silangang Indonesia .Ang bulkan nagbuga mga lava nga nag-aghat sa mga awtoridad sa pagbakwit sa pipila ka mga residente gikan sa silingang mga baryo sa lugar.
Ang maong bulkan nahimutang sa Flores Island sa East Nusa Tenggara province.
Matod sa tigpamaba sa Center of Volcanology and Geological Hazard Mitigation (PVMBG) nga si Hadi Wijaya, ang bulkan nagbuga ug nagdilaab nga lava, volcanic ash ug nagdilaab nga mga bato.
Human sa pagbuto, nawalaan ug kuryente, ug mibundak ang ulan ​​ug adunay dakong kilat nga maoy hinungdan sa kalisang sa mga residente Tungod niini, gipasaka sa mga awtoridad ang status sa bulkan ngadto sa Alert level 4.
Girekomenda usab sa ahensya ang pagbakwit sa 7-kilometros nga radius gikan sa bulkan.
Base sa taho, pipila ka mga balay ang nangaguba ug nasunog tungod sa nagdilaab nga lava ug mga bato nga niigo sa silingan nga mga balay upat ka kilometro gikan sa crater. Samtang ang Indonesia ang anaa sa Pacific Ring of Fire.
