Mipabor ang kadaghanan sa mga miyembro sa Sangguniang Panlungsod sa mosyon kabahin sa relocation sa mga vendor sa public market ug temporaryong pagsira sa mga dalan.
Sa botohan sa konseho, nakakuha kini og 9 ka boto nga pabor ug 4 ka boto nga supak. Ang mipabor sa maong lakang mao sila Bhing Dinopol, Franklin Gacal, Richard Atendido, Virgie Llido, Dominador Lagare III, Jose Jacinto Dinopol, Alberto Pacquiao, Elijah Pacquiao, ug Arswnia Obi. Samtang misupak silang Jonathan Blando, Cesar Banas Jr., Ralph Yumang, ug Ramon Milleza.
Wala nakaboto si Konsehal Michael Pacquiao tungod kay anaa siya sa leave.
Ang maong mosyon may kalabotan sa pagbalhin sa mga apektadong negosyante sa merkado ngadto sa temporaryong lugar ug pagpahigayon og temporaryong pagsira sa pipila ka dalan aron mapadayon ang mga lakang sa lokal nga panggobyerno.
