GENERAL SANTOS CITY– Siyam ka slot machine ang nakumpiska sa kapulisan sa gipahigayong police operation sa unom ka presinto basi usab sa kamandu-an sa ilang labaw.
Nasuta nga dungan nga gipahigayon ang pagresponde niini human giulan ug tawag ang mga presinto sa milabay nga semana kalabutan sa pagdaghan sa mga slot machine dinhi sa dakbayan.
Gumikan sa maong kalampusan gilayon nga nagpagawas ug kamandu-an si Lt. Col. Samuel Cadungon ang Deputy City Director for Operations sa mga hepe nga gilayon nga magpasaka ug kaso sa mga nanag-iya sa slot machine.
Nasuta nga adunay duha ka waitress ang naabtan nga gadula sa slot machine nga nahimutang sa Pioneer Avenue samtang pipila ka indibidwal ang nakadagan nga apil usab nga pangkasuhan.
Nasuta nga ang walay slot machine nga nakita sa area of responsibility sa Tinagacan Police Station.
