GENERAL SANTOS CITY – Nasuta nga 84 ang bag-ong kaso sa COVID 19 sa region 12 base sa labing ulahing report sa DOH – Center for Health Development Soccsksargen Region.
Nasayran nga anaa sa 46 ang bag-ong recoveries og usa ang patay nga taga Polomolok,South Cotabato.
Sa 84 ka bag-ong kaso sa COVID 19 anaa sa 42 ang natala sa GenSan, 21 sa Sultan kudarat, 16 sa Cotabato Province og lima sa South Cotabato.
Gumikan niini anaa sa 2,602 ang kaso sa COVID 19 sa GenSan, 208 ang active cases og 94 ang patay.
Ang South Cotabato adunay, 2,749 ang kaso sa virus 417 ang active cases og 60 ang nagtaliwan.
Ang Cotabato Province ang may 1,305 ka kaso, 174 ang active cases og 71 ang patay.
Samtang anaa sa 809 ang kaso sa COVID 19 sa Sultan Kudarat, 60 ang active cases og 20 ang patay.
Ang Sarangani ang may 752 ka kaso, 90 ang active cases og 18 ang patay.
Sa katibuk-an anaa sa 7,947 COVID-19 ang confirmed cases sa COVID 19 sa Region 12 kung asa 949 (11.94%) ang active cases, 6,733 (84.72%) ang recoveries og 263 (3.31%) ang COVID-19 related deaths.
