GENSAN – Naghatag ug kasigurohan ang lokal nga panggamhanan nga anaa na sa luwas nga kahimtang ang kapin 80 ka estudyante sa Golden State College nga nakasinati og pagkawala og panimoot atol sa Intramurals Parade sa maong tunghaan.
Sumala ni Mayor Lorelie Pacquiao, gilihokan dayon ang insidente ug wala pasagdi ang kalihokan sa eskwelahan.
Gikumpirma usab ni Dr. Sara Manilay, Vice President for Finance sa Golden State College, nga gitutukan ang kahimtang sa mga apektadong estudyante ug gitagaan kini og tukmang tabang ug pag-atiman.
Dugang pa sa alkalde, andam usab ang lokal nga panggamhanan sa paghatag og suporta sa tanang panginahanglanon aron masiguro ang kahimsog ug kaluwasan sa mga kabataan.
Gipasabot usab nga gikinahanglan ang kooperasyon sa eskwelahan, estudyante, ug ginikanan aron malikayan ang susamang insidente sa umaabot.
Sa pagkakaron, ginasiguro sa administrasyon ug mga otoridad nga hapsay ug luwas ang tanang kalihokan sulod sa Golden State College.
