GENERAL SANTOS CITY – Nadawat na sa pamilya sa 8-anyos nga bata ang nadangatan niini human aksidenteng maigo sa jolen gun sa iyang amahan, didto sa Maitum, Sarangani Province.
Kahibaluan nga giila ni Police Major Rodel Javison, hepe sa Maitum Municipal Police Station ang biktima nga si Jason Taping, samtang ang amahan niya nga tag-iya sa armas mao si Macho Taping, mga residente sa Brgy. Batian, Maitum sa maong probinsya.
Gikabutyag nga gisandig matud pa ang nahisgutang armas apan aksidente nga natumba ug mibuto nga nakaatubang sa dughan sa anak.
Apan posibleng dili na matud pa magpasang-at ug kaso ang inahan sa biktima ngadto sa iyang bana kini tungod aksidente ang nahitabo.
Sa pagkakaron gihaya na ang patay’ng lawas sa biktima samtang nagpadayon ang imbestigasyon sa kapulisan sa insidente.
