SARANGANI PROVINCE– Nagpadayon karon ang gipahigayong repair sa mga poste sa kuryente human nangatumba human ang g pagbangga sa usa ka truck.
Ang maong mga poste ang parte sa 69kilovolts line sa Brgy. Tampat, Tinoto Maasim, Sarangani Province.
Sa pakighinabi sa Bombo Radyo GenSan, gibutyag ni Edgar Toniera, TSC Manager sa SOCOTECO II, mibangga ang truck pasado alas 11:00 kagabie nga nagresulta sa natigayong brownout sa daghang barangay sa Gensan.
Apan kaganihang alas 3:00 sa kaadlawon nabalik na ang kutay sa kuryente sa mga apektado.
Tungod sa insidente, na-stranded ang mga commuters og mga sakyanan gikan sa Maasim, Kiamba og Maitum, GenSan og vice versa apan gisiguro sa maong electric cooperative nga mauman ang pag-ayo sa mga nangatumba nga poste.
Nasayran nga ang truck ang paingon sa GenSan og pag-abot sa tungason nga bahin sa Brgy Tampat Tinoto nawad-an matod pa og ‘break’ og tungod sa kabug-at usab sa karga nga mga bakal, midausdos na kini og wala na mapugngan hangtod sa nabangga sa usa ka poste nga hinungdan nga pagkatumba sa lain pang pito ka poste.
Maayo na lamang nga luwas ang driver og duha ka kauban.
