Moabli pag-usab ang Bureau of Customs (BOC) sa public auction para sa walo ka luxury vehicles nga nasakmit gikan sa kontrobersyal nga mga kontraktor nga sila si Curlee ug Sarah Discaya sa Pebrero 11.
Sumala sa BOC, ang mga sakyanan isubasta sa Situation Room, Ground Floor, OCOM Building, Port Area, Manila, mga alas 10 sa buntag.
Lakip sa mga isubasta mao ang Lincoln Navigator 2024, GMC Yukon Denali 2022, Cadillac Escalade 2021, Maserati Levante Modena 2022, GMC Yukon XL Denali 2022, Cadillac Escalade ESV 2022, Rolls-Royce Cullinan 2023, ug Bentley Bentayga 2022.
Dugang pa, usa ka Blue Bugatti Chiron 2017 ug usa ka Red Bugatti Chiron 2019 ang isubasta usab.
Ang publikong pagtan-aw sa mga sakyanan ablihan sa Pebrero 5 hangtod 6, matod sa ahensya.
Kahinumduman nga niadtong Nobyembre, tulo sa pito ka mga luhong sakyanan nga nasakmit gikan sa pamilyang Discaya ang nabaligya sa usa ka subasta.
