-- ADVERTISEMENT --
Walo ka mga indibidwal ang nareport nga namatay tungod sa epekto sa Bagyong Basyang, sumala sa Office of Civil Defense (OCD).
Matud kang OCD Deputy Spokesperson Diego Agustin Mariano ning adlaw, Sabado, Pebrero 7, ang report sa pagkamatay ang mipailawom pa sa validation sa ahensya.
Lakip matud pa niini ang upat katao sa Cagayan de Oro City gumikan sa landslide, tulo sa Iligan City nga ginaberipika pa ang pagkamatay og usa sa Agusan del Norte tungod sa pagkaunlod.
Sa ulahing report usab ni OCD Spokesperson Junie Castillo nga Pebrero 6, mukabat sa 241,910 indibidwal ang apektado sa bagyo.
Kini mukabat sa 71,924 pamilya gikan sa 573 barangay samtang 863 balay usab ang naapektuhan, lakip ang 109 nga totally damaged og 754 ang partially damaged.
-- ADVERTISEMENT --
