GENERAL SANTOS CITY – Walo ang bag-ong kaso sa COVID 19 ang natala sa rehiyon 12 base sa labing ulahing report sa DOH – Center for Health Development Soccsksargen Region.
Samtang anaa sa 36 ang bag-ong nakarekober og usa ang patay gikan sa Koronadal City.
Sa walo ka bag-ong kaso tulo ang gikan sa South Cotabato lakip sa GenSan og duha sa Sarangani Province.
Ang South Cotabato ang may 22, 189 ka kaso sa COVID 19 kung asa 43 ang active cases og 831 ang patay.
Ang GenSan ang may 17,831 ka kaso, 35 ang active cases og 631 ang patay.
ANg North Cotabato ang may 13,867 ang kaso, usa ang active cases og 664 ang patay.
Ang Sultan Kudarat ang may 8,547 ang kaso, tulo ang active cases og 251 ang patay.
Ang Sarangani ang may 7,999 ka kaso, siyam ang active cases og 197 ang patay.
Sa katibuk-an adunay 70,433 ang COVID-19 confirmed cases sa SOCCSKSARGEN region kung asa 91 (0.13%) ang active cases, 67,736 (96.17%) ang recoveries og 2,574 (3.65%) ang COVID-19 related deaths.
